無通生食，哪有通曝乾。

Bô thang tshenn tsia̍h, ná ū thang pha̍k-kuann.

1. 生吃都不夠，哪能晒成乾？比喻數量不足，不可能有多餘的留下來。也指個人或家計窘困，沒有餘錢作額外支出。

   失業規年，食三頓都有問題矣，伊就共定存領出來，人講「無通生食，哪有通曝乾」，目睭前的生活較要緊，後擺的日子袂顧得囉。

   Sit-gia̍p kui-nî, tsia̍h sann tǹg to ū būn-tê--ah, i tō kā tīng-tsûn niá--tshut-lâi, lâng kóng “bô thang tshenn tsia̍h, ná ū thang pha̍k-kuann”, ba̍k-tsiu-tsîng ê sing-ua̍h khah iàu-kín, āu-pái ê ji̍t-tsí bē-kòo--tit--looh.

   (失業經年，三餐都成問題了，他就把定存領出來，人家說「生吃都不夠，哪能晒成乾」，眼前的生活比較重要，以後的日子顧不到了。)

   阮翁這站仔無頭路，保險公司的業務員煞來招伊入保險，伊現此時都「無通生食，哪有通曝乾」，欲佗生錢來投保咧？

   Guán ang tsit-tsām-á bô thâu-lōo, pó-hiám kong-si ê gia̍p-bū-uân suah lâi tsio i ji̍p pó-hiám, i hiān-tshú-sî to “bô thang tshenn tsia̍h, ná ū thang pha̍k-kuann”, beh tó senn tsînn lâi tâu-pó--leh?

   (我先生這陣子失業，保險公司的業務員還來邀他參加保險，他現在是「生吃都不夠，哪能晒成乾」，哪裡有多餘的錢來投保呢？)

   近義詞 生食都無夠，哪有通曝乾。