坐予正，得人疼。

Tsē hōo tsiànn, tit lâng thiànn.

1. 坐姿端正，才會惹人疼愛。本為嫁娶儀式時，媒人、長輩常會說的吉祥話。

   便若拄著嫁娶的時，咱定定會聽著媒人婆講「坐予正，得人疼」的好話來祝福新人。

   Piān-nā tú-tio̍h kè-tshuā ê sî, lán tiānn-tiānn ē thiann-tio̍h muê-lâng-pô kóng “tsē hōo tsiànn, tit lâng thiànn” ê hó-uē lâi tsiok-hok sin-lâng.

   (每當嫁娶的時候，我們總會聽到媒人婆說「坐姿端正，才能使人疼愛」的吉祥話來祝福新人。)

2. 引申為勸誡人要端正儀容姿態，才能讓人留下好印象。

   老師上課定教阮講「坐予正，得人疼」，是希望學生囡仔佇教室上課愛坐予四正，若無，會予人歹印象。

   Lāu-su siōng-khò tiānn kà guán kóng “tsē hōo tsiànn, tit lâng thiànn”, sī hi-bāng ha̍k-sing gín-á tī kàu-sik siōng-khò ài tsē hōo sì-tsiànn, nā-bô, ē hōo lâng pháinn ìn-siōng.

   (老師上課常常教我們「坐端正，使人疼」，是希望學生在教室上課能坐姿端正，否則，會給人家不好的印象。)