拚甲流汗，予人嫌甲流瀾。

Piànn kah lâu-kuānn, hōo lâng hiâm kah lâu-nuā.

1. 認真做事做到汗流浹背，卻被人嫌棄到口沫橫飛。指人嗟嘆自己認真工作，不但得不到應有的稱讚、鼓勵，還被嫌棄得一文不值。

   我遮爾仔骨力咧辦代誌，煞予人嫌甲無一地好，真正是「拚甲流汗，予人嫌甲流瀾。」

   Guá tsiah-nī-á kut-la̍t teh pān tāi-tsì, suah hōo lâng hiâm kah bô tsi̍t tè hó, tsin-tsiànn sī “piànn kah lâu-kuānn, hōo lâng hiâm kah lâu-nuā.”

   (我這麼認真辦事情，竟然被人嫌棄得一文不值，真是「汗水不敵口水」。)

   這項歹扭搦的代誌，無人欲插，咱共抾起來做，毋過煞是「拚甲流汗，予人嫌甲流瀾」，實在真毋值。

   Tsit hāng pháinn-liú-la̍k ê tāi-tsì, bô lâng beh tshap, lán kā khioh khí-lâi tsò, m̄-koh suah sī “piànn kah lâu-kuānn, hōo lâng hiâm kah lâu-nuā”, si̍t-tsāi tsin m̄-ta̍t.

   (這件難處理的事情，沒人要理會，我把它承擔起來做，不過卻是「吃力不討好」，實在是不值得。)

   近義詞 做甲流汗，嫌甲流瀾。棚頂做甲流汗，棚跤嫌甲流瀾。盡心唱，嫌無聲。